أسئلة غبية ....

أسئله غبيه ترفع الضغط وبنفس الوقت مضحكه
سلام عليكم

مااطول عليكم اخليكم مع الموضوع
للأمانه نصها مو انا اللي كتبتها
نصها جاني بالإيميل

أنت الحين بغرفتك منسدح بفراشك ومطفي النور
فجأه يدخل عليك اخوك \أختك ويفتح الباب ويقولك بتنام ؟!!
( لا برقص - أكيد بنام !!)
---------

أنت لابس وكاشخ وقاعد تمشي بالبيت متجه للباب ..
فجأه يشوفك واحد من أهلك
ويصرخ عليك ويقول بصوت عالي :- هااا بتطلع !! ؟
( لا بجرب الباب زين ولا لا .... )
الصراحه سؤال خطير !!
----------
أنت قاعد بغرفتك وماسك الكتاب قاعد تدرس ..
يدخل عليك واحد من أهلك يقولك
هاا قاعد تدرس !! ؟
(لا أفرش أسناني !! يعني ماسك الكتاب شسوي أكيد أدرس)
-----------

أنت الحين بالكافيه صدفه شفت واحد من الربع أو الأهل .. قالك هاا شتسوي هنا !!
(أبيع بنك) !! لا تعليق
------ ------------ --

أنت الحين بالسرير الساعه 3 بالليل
دق عليك خويك
لما ترد عليه يقولك .. أنت صاحي ؟!!؟
( لا لسه نايم وقاعد أتحلم أكلمك )
____________
أنت الحين توك اللي واصل للبيت أو واصل من سفر
لما يشوفك أحد يعرفك
يقول هاا أنت وصلت ؟!!
( لا لسه بالطريق)
_____________
لما واحد جنبك بيسألك عن الوقت
ويقول كم الساعه ؟ وبنفس الوقت يأشر بصبعه على يده مكان الساعه
ههههههههههههه
(يعني بالله شفت أحد يحط الساعه برجله .. أكيد بيده يؤ)
_____________
لما واحد بيوضحلك عن مده بعيده
مثلا قبل 20 سنه
يقعد يقولك مثلاً " من زماااااااااااااااااااااااااااااااان"
يمد بالألف زماااااااااااااااااااان
(يعني لازم تمد قول زمان وانتهينا .. أو يعني كذا أعرف إنك تقصد قبل 20 سنه بعدد المدات هاه هههههههه)
______________
لما واحد يدق باب البيت
ولما تروح تسأل من ؟
يقولك .. أنا !!
ياهووو من اللي يدق الباب
يقولك أنا أنا
(لا بس عرفتك كذا)

_____________
لما تنسى كتاب بالمدرسه
ويجي المدرس ويسألك ليش نسيته ؟!!؟
(إتفاهم مع ربك ليش نسيته يؤ ... قلتلك نسيته تقولي ليش نسيته .. نسيته لأني نسيته )
>> سويت مشكله مع المدرس بسببها
أيام ثانوية عاصم بن الحكم بالمدينه يووووو أيام
_____________

واحد بيسوي فيها مؤدب
يقولك : ممكن أسال سؤال ؟
(طيب هذا مو يعتبر سؤال )
______________
لما تقوم من النوم الصبح
ويجي أبوك او تجي أمك أو أي أحد
ويقولك هاا صحيت ؟!!؟
(لا لسه بس قاعد أستهبل أسوي نفسي صاحي)
______________
لا وتعالو شوفو قنواتنا العجيبه هما وأسئلتهم !!
مثلاً بالعيد بيقابلون واحد من الناس شوفو الحوار :-
المذيع :- السلام عليكم .. عرفنا على أسمك ؟
المواطن :- فلان الفلاني . . . . .
المذيع :- إيش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
( لا منه المال ومنها العيال .. وإلا أقولك أقولهم عظم الله أجركم)
يعني السؤال تحفه والمذيع ومعد البرنامج أتحف على هالسؤال
------------ --------- ---
والأسخف من هالبديهيات اللي تضيع وقتنا إذا قابلوا الأطفال , , ,
يقول المذيع للورع (البزر) :- أنت تحب ماما وبابا ! ! !
( لاااااا أحبك .. ولا أقولك أكره أمي وأبوي لأنهم جابوني للدنيا اللي أنت عايش فيها)
سؤال غبي الصراحه !!
أجل في طفل بيقول لا ماأحبهم !!!!!!!!
------------ ----
برنامج مسابقات على الهوا : -
المتصل :- ألوو السلام عليكم
المذيع :- وعليكم السلام هلا وغلا
المتصل :- ممكن أشارك
(يعني أنت داق علشان تشارك ليش تستأذن !! من زوود الدلاخه)
------------ --------
يعني أسئله غبيه مثل هالأسئله ماشفت

يسلموووووووووووووووووووووو RAFEY على الاسئله المضحكه تقبل مروري RAFEY

موضوع جميل RAFEY
تقبل مروري

اسئلة مضحكة وحلوة فى نفس الوقت
تقبل مرورى

بجد اسئله غبيه
يسلموووووووووووووووووووووووووووووووو RAFEY مواضيعك مميزه تقبل مروري

كل الشكر لكم للمرور العطر

لكم خاااااالص مودتي وتقديري

موضوع: رد: أسئلة غبية .... الأحد مايو 24, 2009 8:10 pm

والله اسئله غبيه جدا شكرااااااااا