يوم شافني خطيبي! مواقف مش طبيعية تموت ضحك:

حين رأيته لأول مرة!:كنت أحاول أن أتماسك وأتوقف عن الارتعاش قبل الدخول إلى مجلسنا الكبير.. تنفست بعمق وأنا ارتجف وأنا احمل بيدي صينية العصير التي بدت لي ثقيلة جدا.. ذكرت الله.. وتقدمت بصعوبة ودخلت..
كان أبي يجلس في الواجهة حين رأيته ازددت حياء وخوفا..ألقيت السلام بصوت خافت..كان يجلس على اليمين أسرعت اتجاوزهوانطلقت نحو والدي اقدم له العصير فتناوله مني ونظر الي يريدني ان اقدم للرجل كاسه..ابتلعت ريقي والتفت بسرعة وتوترلاعطيه الكاس فاذا بي اعثر واذا بالكاس يطير ويرتطم بالطاولة ويتناثر في كل مكان..وضعت الصينية بكل برود(ولا اعرف كيف هبط علي ذلك البرود سبحان الله)..ثم خرجت وكاني لم افعل شيئا..!! لقد رايت والدي جيدا ورايت العصير وهو يندلق على الطاولةوعلى الارض.. رايت الوان الكنب الذي احفظه جيدا.. رايت كل شي يومها.. الا الشاب العزيز الذي اصبح زوجي فيما بعد والذي لم ارى منه شي يومها...!!!!!!!!!!

2- يا منير اعقلي...بشويييييش:منيرة23سنة:
من عاداتنا ان الخاطب لايرى المخطوبة الايوم عقد القران وعندما خطبني صديق اخي اصر ان يراني فادخله اخي في المجلس وكانت نافذته تطل على الحوش ووضع المقاضي في الحوش وناداني"يامنيرة تعالي شيلي الاغراض" جئت وانا ارتدي قميص البيت وشعري منفوش "وحدة في البيت وش بيكون شكلها" المصيبة ليست بملابس المصيبة اني جئت افحط بالعربة واخي يحاول تهدئتي "يامنير اعقلي بشوييييييش" المهم الرجل قال: لا اريد الا هذه لانها مرحة ودمها خفيف"!!

3- اريد الحمااااااااااااااام:ام عبدالله تقول ضاحكة: في يوم رؤيتي الشرعية كنت مرتبكة وخايفة مثل باقي البنات..ولبست الملابس المناسبة ليوم مثل هذا..عطتني امي الصينية بس الطامة اني قبل ماادش الغرفة حسين اني ابي الحمام !! قلت لامي: ابي الحمام..قالت لي: مافي وقت ادخلي خلصينا.. دخلت وانا ماافكر الا بشي وااااحد(الحمام) حتى اني ماشفت وجه المعرس بسبة الحمام..ناولته العصير جلست وانا ماسكة نفسي بالقوة عن الحمام.. وراسي بالارض ...صار سالني عن بعض الاشياء ومن اللي انا فيه في بعض اشيا قالها مااستوعبتها..صرت اقول:ايه ايه ...لا.....مممم) من غير ماادري وش يقول بعدين خلااااااااااص مااتحملت قمت وهو يتكلم وبسررررررررررررررعة عالحمااااااااااااااااااااام...
لحقوني امي وخواتي يحسبوني اصيح...او معصبة..اما خطيبي المسكين هو من جد على باله اني عصبت منه وانه موب معجبني ولما عرفوا اهلي اللي كنت فيه ضحكوا علي اما خطيبي(اللي صار زوجي).. ماقلتله السبب للان!!!!!!!!

4- يا انا يا الكعب!!:حاولت امها تقنعها يوم الشوفة : ياحبيبتي لا تلبسين هالكعب العالي مايخليك تعرفين تمشي زين..وهي ماعنكم احد مصممة تقول : ليش تبنه يقول عني قصيرةَ!!
ودخلت بحياء وخوف وقلبها يتضارب بين خوف وفرح..ولكن.... المشاعر هذه مادامت كثير لانها ماجلست حتى اشتبك الكعب العالي بسجادة المجلس (وطررررررررررررررربك) دبببببببببب "طبعا طاحت اجل وش تنتظرون" وقتها تذكرت كلام امها.. وصار ابوها يلطف الجو ويعلق عليها وخلاها تزيد حياااا .... والحمد لله تمت الخطوبة على خير(بعد وش يبي انسدحت عنده)!!!

5- ابوس راسك تزوجني:لما دخلت المجلس لقيت خطيبها وابوها جالسين صارت تسلم طبعا ... بدت بالسلام على ابوها وباست راسه... ولما وصلت لخطيبها الاخت "اندمجت" مع الموضوع ومسكت راسه وباسته بحمااااااااس... وابوها مستغرب ومنقهر على هالحركة...ولما استوعبت اللي صار بغت تموت من الحياااااا...
وزوجها للآن يقولها انا بصراحة وافقت عليك لانك بستي راسي تترجين ارضي فيك!!!!!!!!! ولو ماسويتيها ما وافقت بس وش اسوي كسرتي خاطري

6- مبخرة ونظرات حاااااااااااااقدة:هالاخت العزيزة يوم الشوفة يوم لاينسى تقول: يوم بكيت فيه كثيييييييييير دخلت ومعاي مبخرة لانها ماتعجبني فكرة العصير..(وحدة تراثية) دخلت وحطيت المبخرة على الطاولة ثم هربت بسرعة من الارتباك ووقتها المسكين كان يسولف مع الواد وماانتبه اني دخلت ودخان البخور ماخلاه يشوفني..قال لابوي: وابوي جاني يقولي ادخل مرة ثانية..ووقتها جلست ابكي ورفضت ادخل: والله ماادخل ليش انا على كيفه؟؟..جلست امي تقنعني وصرت اقول ماعجبته ماابيه.. بالاخير مالقى ابوي حل غير ( الصراخ والعين الحمرا).. ودخلني غصب عني وانا امسح دموعي..دخلت معصبة وحااااااااااااااااااااقدة عليه بقوة ماشفت وجهه لاني كنت مقررة ارفضه..حاول المسكين يسالني ويكلمني بس كنت ارد من خشمي وبكره...وماادري كيف وافقت عليه بس (الاستخارة) خلتني اوافق.. وللآن زوجي يقولي ماانسى نظراتك الحاقدة ذاك اليوم...

7- شافني بالحنااااا!!!!!!!!!!
تقول: بيوم عادي مثل باقي الايام..سويت حنا ابي احطها على شعري وبديت احطها عليه..وشي طبيعي اني لابسة ثوب قديم ..جاني ابوي فجأة يقولي تعالي بسرعة في حرمة عجوز جاتنا برا وامك مو بالبيت تعالي ضيفيها...قلته:شلون والحنا على راسي؟؟...قال: عادي تراها عجوز يادوب تشوف..سحبت طرحة وحطيتها على راسي لاني استحيت من شكلي بالحنا........ ولما دخلت المجلس يالله!!!!!!!!! لقيت شاب انيق جاس قدامي وابوي جلس بجنبه.. تجمدت بمكاني وانا اشوف اخواني يناظروني بتريقة وابوي يقولي اجلسي وجلست وانا براسي ان هالزواج مابيتم باي حال...كيف بيوافق على هالروائح وراسي المرتفع وملابسي اللي كني شحاذه... جلست ومشاعري ماتت وقتها وهو جالس سيولف ويالني ويبني اتكلم...وانا مصدومة (لا ارى لا اسمع لا اتكلم) ولما طلعت قال لابوي انه موفق ...بعدين عرفت انه كان خاطب كثير بس موافق غير علي..شاء الله اني اعجبه والحنا براسي سبحان الله مؤلف القلوب...

8- كلنا اخوان واحد!!:تقول:
ماانسى يوم شوفتي كان مليان بالفشايل... بالبداية دخلت بالبلوزة الجديدة والدليل بطاقة السعر اللي طالعة من وراي من غير مااحس.. ودخلت المجلس بنفس الجهة اللي فيها الخطيب وابوي مقابلنا وهو جلس مستحي يلتفت جنبه يناظرني... حاول يكلمني سالني : باي كلية تدرسين؟ قلت: بكلية الخدمة الاجتماعية... في أي تخصص؟؟ جاوبت: كلنا اخوان واحد!!!! كنت اقد كلنا تخصص واحد لان كلية الخدمة مافيها غير تخصص واحد........

.................................................. .................................................. .......................

تجــــارب فاشــــــــــــــــلة

1- ماابيها...جلست بجنبي:
تقول: راح خالي يشوف اللي خطبناها له...دخلت بجرأة والقت السلام وجلست بجنبببببببه...استغرب مرة من تصرفها..وقال لنا ماابيها لانها جلست بجنبي...كيف اضمن اخلاقها؟؟
حاولنا نقنعه يغير راييه لكن ماصار النصيب..

2- محقق مو بنت:
تقول: خطبنا لاخوي نت راح يشوفها دخلت بكل ثقة بعدين جلست قدامه حاطة رجل على رجل وجلست تسولف معاه وتحقق وهو يرتعش من الخوف...يقول اخوي: كان يمكن اتقبل اللي صار منها لكن ماوصلت تسالني عن دوامي وراتبي ... فجأة حسيت اني بين يدين محقق مو بنت!! وماوافق عليها

3- عريس الكيت كات:تقول: دخلت عليه كانت فيه امه..ومااحد من اهلي موجود..(استفردوا فيني) وصاروا يسالوني سين وجيم كني بتحقيق والكارثة وقت مارمى علي كيت كات يقولي: كليه ابي اشوف شكلك وانتي تاكلين؟؟.... هنا طفح الكيييييييييييييييل من استهتارهم رميت الكيت كات على الارض وطلعت ... واكيد رفضتهم...

4- توه قايم من النوم:تقول: خطيبي كان مختلف عن باقي المعاريس...خطبني واحد ماخذ رااااااااااحته على الكنبة بهدوء غريب!! لاا وجلس يثاااااااوب اكثر من مرة...حسيت بثقل دمه ورفضته..وهو يقول لاهله انا حبيت اكون طبيعي... وانا اقول لاهلي: حسيت كنهم سحبوه من سريره وجابوه...

.................................................. ...................................

قصص لطيفه حيييييييييييييل ومرحه
تسلمي يابنوتتا الحلوه
بس اللي عجبني اكثر هاي اللي باست راس
خطيبها تترجاه يتزوجهاهههههههههههههه

ههههههههههههههههههه
هههههههههههههههههههههههههههههههه
بجد قصص حلووووووووووووووة كتير
أكيد الواحد يكون مرتبك يوم الشوفة والبنت الله يعينها
سلمت الأيادي بنت المنتدى للطرح الجميل
لكي كل الود والتقدير

ههههههههههههههههههههههههههههههههههه
يسلمووووووووووووو عزيزتي الغاليه بنت المنتدى على الموضوع الرائع

» صور مناظر طبيعية - اجمل صور الطبيعة
» صور تموت ضحك
» كلمات لا تموت ’’’’’’’’’’’
» كلمات لا تموت
» عندما تموت الرحمه في قلب الاب ؟؟؟؟؟؟؟؟؟؟؟ قصه مؤلمه .........تفضلو