لماذا تفوقت سوني اريكسون على نوكيا "الموضوع كاتبه بأيدي " ؟؟؟؟

السلام عليكم ورحمة الله وبركاته

سلام بقوووووه لكل اعضاء منتدى البيت الكبير الغالي
اقسم بالله العظيم اللي ما يرد على موضوعي لأصفقه فاهمين لأنني انا اللي كتبته يعني مو منقول ولا شي فاهمين
انا حلفت ووصلكم العلم
+++++++++++++++++++++
في البدايه اسمحولي اقول لكم انو اي واحد معاه نوكيا يروح يرميه في اقرب زباله<<<<لا تنقهرون قولو ليش؟؟
الأعضاء : ليش؟
مدامكم قلتوا ليش انا بقول لكم
"""""""""""""""""""""""""""""""""""""""""""""""""" """
1- نوكيا ما زالت تستخدم نفس النظام من عهد الباندا<<<الله يرحمه كان من زمان اللي معاه باندا ملك والحين الباندا ما تلقاه الا مع سواقين "هههههههههه"

والحين نفس نظامها ما غيرته حتى ال ان 95 على بالكم يختلف بشي اشوف الناس كلها متحمسه له مع انه نظامه نفس نظام الأن 73

2- النوكيا دايم يعلق وتقعد سنه عشان تفتح الأستديو و لا تنسون انو فك القفل حقه سهل مرره و لو سرقه احد يقدر يروح السارق لمحل جوالات ويفك له اياه ب 5 ريال و في دقيقتين

3- النوكيا والبلوتوث والله يعينكم على بلوتوثه بعض الأحيان يعلق وبعض الأحيان يطفي من نفسه و تدرون كم يستقبل بالثانيه
ال ان 70 يستقبل اقصى شي 25 كيلو بايت بالثانيه
و طوروا البلو توث شوي في ال ان 73 وخلوه يستقبل 32 كيلو بايت<<<على بالهم طوروا شي الحين

4- الشحن له سالفه ثانيه مع النوكيا يعني بعد سته شهور لازم تشحن الجوال مرتين باليوم او يمكن ثلاث مرات

5- اشكاله نفسها ما تتغير كلها نفس شكل الفارس والدمعه<<<ومدري ليش طايحين فيه

6- برامجه زي الزفت نصها ما يشتغل ونصها يبطئ الجهاز و نصها الباقي فيروسات

7- الكاميرا "اول ما بدأوا كانوا على 1.3 ميغا بكسل والحين بال 73 خلوها 3.2 وبعدها طوروها في ال ان 95 ووصلوها 5 ميغا بكسل
وهنا يجي سوال مهم وش فايده البيكسل بدون تقنيه سايبر شوت

تقنيه سايبر شوت"cyper shot" : وهي تقنيه منع اهتزاز الصوره يعني لما تصور تطلع لك الصوره مغبشه يعني مو واضحه جرب وشوف حرك يدك بسرعه قدام الكاميرا و شوف يدك شلون بتطلع معوقه او بتصير الصوره بدون يد<<<هههه

8- السماعه : سماعه النوكيا غالبا ما تتغير سماعه الفارس هي نفسها حقت ال ان سبعين ونفسها حقت ال ان 72 و ال ان 71 بس تغيرت مره وحده وانا ما اعتبره تغير مهم والمره هذي في جوال ال ان 73 ميوزيك اديشن سوو له سماعتين بنفس قوه السماعات العاديه عشان يوزعون الصوت <<<شكلهم ما يدرون عن ال دبليو 950 من سوني اريكسون

9-النوكيا ما يتحمل التشويت ابدا "اسأل مجرب السوني اريكسون حقي اشوت فيه 24 ساعه ولا يخرب ولا يعلق ابد" يعني حساس اول ما يطيح تلقاه مخدش كله يعني دلوع مرره<<<< ويا ليته يستاهل الدلع

10- معظمكم ينزل السوت كايس حقته ولا يستفيد منها شي

11- ولا تنسوا ان اسعاره لا تستاهل فعندما نزل ال ان 95 كان بقيمه 5000 ريال و الآن يمكن بـ 3000 بس
وهو لا يحافظ على سعره ابدا تشتريه بألفين و تبيعه بألف<<<<مين اللي يمدحه

12- واخر شي واهمها لازم تسوي له فورمات كل شهرين

ومن خلال دراساتي اثبتت علميا بأن النوكيا هو عباره عن قطعه حديد غاليه الثمن لا اقل ولا اكثر وهو لا يقارن بهواتف السوني اريكسون اطلاقا وبتاتا البته

وهنا نبدأ باستعراض هواتف السوني اريكسون<<<الله يخليها

1- نظامها يتجدد سنويا وبأمكانك تنزيل "update" للجهاز كل اسبوع يعني الشركه متعاونه معاك مرره ويحتمونك ويحطونك فوق روسهم مو مثل مشاعل الخليج او الحداد يخلوك تنتظر شهر عشان خلل بسيط

2- نادر الخراب مرره "تترجاه عشان يخرب" يعني لاتحاول ما بيعلق عليك ابد لو تموت قدامه ما بيعلق

3- البلوتوث وقت ما تبي تطفيه تطفيه ووقت ما تبي تشغله تشغله وفيه ميزه بلوتوث السوني اريكسون قولوا وشي ؟؟ الميزه هي انك تقدر تتحكم بالماوس حق الكمبيوتر من خلال الجهاز " يعني مثلا تنام على السرير وتشغل فيلم وتتفرج عليه من بعيد بدون ما تقوم من سريرك وتمسك الماوس

4- الشحن يطول مره يعني 340 ساعه انتظار

5- كل شهرين ينزلزون لك شكل يناسب شخصيتك
يعني اللي يحبون التصوير ينزلون لهم الفئه "k" واللي يحبون الأغاني ينزلون لهم الفئه"w" و اللي يحبون الأعمال المكتبيه والناس الرسميين شوي ينزلون لهم الفئه "p" واللي ما يحبون شي يعني ناس طبيعيه ينزلون لهم الفئه "s"

6-اغلب برامجه موثوقه المصدر مو مثل النوكيا له مليون برنامج وكل ما جاك واحد سواله برنامج

7-السماعات قويه بالذات سماعات الواكمان مررره قويه مثل الدبليو 950 له سماعه تضرب الأرض ضرب كأنها سب اوفر او مثل الدبليو 550 له ثلاث سماعات تهد البيت هد

8- الكاميرا بالذات الجهاز اللي اسمه k800 هذا الجهاز الذي لا توصفه الكلمات دقه الكاميرا 3.2 و مزوده بتقنيه سايبر شوت ومزود بفلاش حقيقي مو زي حق النوكيا اللي يشبه اللمبه هذا فلاش صدقي لأنه زينون و مثل الكاميرات الحقيقيه

9- يتحمل جميع انواع الأجواء سواءا الممطره والرياحيه وحتى لو ترميه داخل مويه وتسبح فيه ما بيصير له شي <<<في مبالغه خفيفه

10- له سوت كايس للويندوز فيها برامج للجهاز موثوقه وفيها كل اللي تبغاه ولها كتالوج يوريك طريقه الأستخدام

11- اسعاره معقوووله جداا مقارنه بما يقوم به من عمليات يعني اكثر جهاز يمكن قيمته 2800 ريال اول ما ينزل يعني مو بس كذا يحافظ على سعره بالسوق تشتريه بـ 1600 وتبعه بـ1400

12- ما يحتاج له فورمات ابد مرره ما يصير له شي

والحين بعد ما عرفت هذا كله بتقول وش؟؟
بعظكم بيقوول واااو!!!
وبعظكم بيقول السوني اريكسون معقد اكثر من النوكيا
وانا بجاوبه
الجواب يا حبيبي انه مو معقد ولا شي بس انت عشانك تعودت على النوكيا"هههههههه" تحسب انو السوني معقد

والحين للي عنده نوكيا احن له يروح يرميه في اقرب زباله او يروح يعطيه السواق هديه مني لسواقكم

والآن اللي ما يرد بفقع وجهه
فاهمين
وبوريكم بعض اجهزة سوني اريكسون بعدين ادعولي بالتوفيق

اخوكم السعودي

يسلموووووووووو السعةدى موضوع
كتير حلو شكرا مرة ثانية
تقبل تحياتى

haifa كتب:: يسلموووووووووو السعودى موضوع
كتير حلو شكرا مرة ثانية
تقبل تحياتى

معلومات رائعه جدا اخي السعودي
واعتقد بان شركة نوكيا مشهورة جدا عكس سوني اركسن

مشكووووووور السعودي على التوضيح الجميل
لكن اعتقد اخي ان نوكيا متفوقه جدا على باقي الشركات من حيث قوة الجهاز والتقنيه العاليه