عراقي فات جهنم

I]جان اكو عراقي بس والله ما اعرف هل هو عراقي وافتخر لو عراقي للعظم
هذا العراقي جان مسجل بمنتدى مثل اسمه ويدز رسائل خاصه شكو ابنيه يدزلها
مزوجه مطلكه بعدها تحت السن القانونيه يشوف ملفها مكتوب انثى يركعها برساله
خاصه والحلو بيه بدايه الرساله يكتب السلام عليكم يا اختي هاي اول سطر وراها
يبدي الثرم

هذا العراقي ابد مامسوي زين بحياته شكو مكسوره سواها اخره فات على بيت فتح
البوري مال الماي مال الحديقه وطلع يعني فد واحد سرسري محنط حتى من جان بالحزب
يكتب تقارير على اخوه الصغير

بس الاعمال بخواتيمها فد يوم كاعد يالشارع اجته امريه عجوز كالت خاله مساعده
لوجه الله عو مدري شلون طلع الها 250 دينار عراقي بس شنو بيه الف سليشن
مشكك ولازكه بالف شريط لاصق وانطاها وره شويه جاي يمشي وجان اضربه سياره
ومات وراها صعدت روحه هناك بالاستعلامات فوك كالوا هاي 250 دينار شفعتلك
روح للجنه

فات العراقي للجنه عراقي وماشايف كظاها حروب وحصار صاح على العامل بالجنه
كله تعال شنو وين الموز جاوبه بس اشر هو يجيك اشر اجاه عثك موز ابو العسل
وره شويه كال تعال شنو وين التين كله اشر وهو يجيك اشر اجته سله تين وره شويه
صاح كال شنو وين العنرموط جاوبه هذا شنو كاله شنو جنه مابيها عنرموط كاله اي
شنو هذا كال هذا عرموط مطعم بالعنب جاوبه اها اشر خويه هوي يجيك اشر اجاه
عنرموط وره شويه صاحه تعال شنو ماكو خمره وهاي انهار من الخمره جاوبه اشر
وهو يجيك اشر اجته شربها وره شويه صاح تعال شنو ماكو هاي شنو حورالعين
النسوان الحلوه جان يجاوبه كله لك ابن القندره ابن الزمال لك هي 250 دينار انت
متصدق بيها وخبصتنه انت منين كاله من العراق عراقي وافتخر جان العامل بالجنه
ركع العراقي براشدي كله اطلع انت مو مال جنه

جان بالاستعلامات سئلوه انت من يا بلد كال العراق عراقي وافتخر جان يطلعون الملف
مالته مكتوب طائفي كال هذا طائفي صاح على الحرس ودوه الى جهنم قسم الطائفين والتكفيرين
هناك شاف الناس كلها جاي تنشوي شوي اول مافات شاف بوجه مشرف قسم الحشاشه
الي اسمه امير الغرام جان يكله لك هله حيدوري اشو انت هنا كال اي والله شسوي عضو نزل موضوع مكرر ما ادري هذا يشتغل ب الامن مال الا احم احم عبالي عادي طلع بيها كلي وشوي اني عبالي بس يكرصوني من اذني ويكلولي بعد لا تسويها
جان العراقي كال اويلي رفست النعمه بيدي بالجنه شلون عنرموط هناك يخبل

وره شويه سمع وحده تصيح لبن لبن كال هاي شنو بجهنم يوزعون لبن جان فادي يكله
اي عدنه ساعه يبدلون الجلد مالتنه ويمطومه لبن فاير يغلي جان العراقي يباوع ويكول
هذا الصوت مو غريب عليه جان يباوع يشوف بنت الغزاليه بجهنم توزع لبن يغلي
ها ام عتوي اشو هنا كالت اي مو جنت افيك براس الاعضاء كتبوا عليه تقرير لجنهم الحمره

عاد هذا العراقي اتخبل من العنرموط الى النار عاد كام يبجي اجوه الحراس وكام يتوسل
اريد اخابر امي كالوا اوكي الك خمس دقائق العراقي كالهم خو الاتصالات الدوليه مو غاليه
جابوه المن تريد تتصل كال اتصل بالعراق جابوه اهوووووووو هذا داخلي خويه جهنم والعراق
نفس الشئ خويه خابر هذا اتصال داخلي

اتصل طلعت امه كام يبجي العراقي كال يمه راح انشوي جاوبته امه ولك ابن القندره
منو كالك احنا كاعدين على التبريد اشو صارلها يومين مطفيه الكهرباء حتى المهفه
اليدويه علطت

عاد امه سئلته هم عدكم طائفيه بجهنم جاوبها لا يمه لا عيني لا تعالي شوفيهم
كل واحد حاير بروحه لا شيخ يفيده ولا مرجع يفيده كلها تصيح ياروحي اليوم كل
واحدحاير بروحه كلها خانسه ساكته محد يفيد لا
كلشي ما يفيد ولا ظله الوارف يفيد كلها تصيح اني وين اكل عنرموط لو اشرب لبن يغلي طلعنه ازواح يمه على ماكو صفينه

جا يمه طبك مرض اني اروح اجتي الكهرباء اروح افتح الثلاجه اجتي ربع ساعه الكهرباء
خوش يمه اني اروح عندي شوي اذانات هسه مع السلامه سلميلي على نتظرهم
بجهنم ارحم ماكو لا جبير ولا صغير كلها نفس الشئ [/i]
__________________

» كاريكاتير عراقي
» قصيدة حب الى سيف عراقي
» عراقي اني وابن العراقية ...
» عراقي اصطاد سمكة قرش في نهر الفرات
» لكونك عراقي تحصل على هذه المزايا