قصيدة امى الحنونة

سلام عليكم ورحمه الله وبركاته
شلونكم اخباركم احوالكم اعزائي
============
قصيده لشاعر والاستاذ الكبير
:: محمد المحاويلي ::
.. أمــي الـحنون ..

أمي يا صبر وأحساس وأشواگ
وأدمـوع وحنـان وسهـر وفـراك

وخواطر صافيه وعشره وسواليف
ومعـاضد بالزنـد والحـجـل بالساگ

أمي البيت كله ومنبع الطيب
ربتنه أبحضنها أتخاف ننباگ

أمي اتحبنه حيل وتسهر الليل
ودللـول الـولد يـبـنـي غـنـاهـا

امي العافيه وموگد للعيال
تـدفـينه بمحنتها و هواها

على التنور تخبز جفها ابو الخير
أمي مباركه ويشع ضواها

أمي الشيب اجاها كبل متشيب
ولهـذا السبـب يـكبـر غـلاها

تحب جيرانها وتسأل على الناس
أمـي بعـوزها أتـعيـش بـنفـاهـا

علمتنه الوفه ورضعتنه الاخلاص
أمـــي ماتـرد واحـــد نـخـاهـا

أمي شكثر تعبت شافت ضيم
حتى انصير نجمات بسماها

كبرنه وكبرتنه وصرنه رايات
وبصلاه أمنه ودعاويها ومناها

يارب ياإله الانس والجان
تحفظها ونجازيها برباها

أمي وشنهو اعز من امي بالكون
امـي البـاري يـعرف مـستواها

فقيرة وماتغث الهوى لو مر
مريضه وبس محبتنه دواها

ابد ماتعرف المنيه فد يوم
ولا تقبل بشر يمشي وراها

أمـي علـمتنه انـصير شجعان
وصدوقين واهل غيره أوجاها

أذن من دنيتي كلشي أنه ماريد
بس اكسب رضاء الله ورضاها

بارك الله فيك لبنى
يسلموووووووووووووو على الموضوع ونطمح بالمزيد من المشاركات

» قصيدة فى المكياج
» قصيدة نهاية حب
» قصيدة من اوباما
» قصيدة للمحبطين
» قصيدة الخيانة