خدمات google

موضوع: خدمات google الأحد نوفمبر 01, 2009 2:39 pm

كلنا نعرف خدمة الگوگل (Google) في البحث عن المواضيع أو الصور أو المفردات

لكن في الحقيقة أكو خدمات عديدة جداً للگوگل.. ومن ضمنها هذه الخدمة

ويمكن الوصل إليها من هذا الرابط

http://www.google.com/trends

وهذه الخدمة عبارة عن إظهار أكثر عشرة بلدان إستخداماً لمفردة بحث..... وتفصيل مستوى البحث لهذه المفردة خلال السنوات الخمس الماضية بالإضافة إلى تفصيلات أخرى

مثلاً.. نكتب مفردة (فرنسا) ونضغط على (إبحث).. النتائج ستـُظهر أكثر عشر بلدان يبحث سكّانها عن كلمة (فرنسا)

الحقيقة... إستهواني الموقع وحبيت أشوف العراقيين بالعراق بشنو يهتمون؟؟.. فكتبت مفردة.... (علوم).. طلعتلي أول دولة يستخدم شعبها هاي المفردة هي (إيران).. غريبة مو؟؟

گلت خلي أشوف مفرد أخرى..... جربت كلمة (تكنولوجيا).. بلكي العراقيين إلهم واهس ويدورون بالگوگل على هيجي مفردة؟؟.. وهمين ماكو أثر للعراق

گلت وية روحي.. لازم إلهم واهس بالـ (فضاء)..واتعيشوووووووون... السعوديين إلهم واهس وإحنه ماكو

فكرت وية روحي... شيدورون العراقيين من يگعدون على النت؟؟؟؟... فكتبت المفردة التالية.... (تحشيش)... هلا هلا طلع العراق بالمرتبة الاولى.. بس العجيب.. الجورجيين همين يدورون بمفردة (تحشيش) على الگوگل

بقيت أفكر بمفردة أخرى العراقيين تستهويهم بالبحث...... كتبت (ارهاب)... همين طلع العراق رقم واحد ...... أثاري العراقيين تستهويهم هاي المفردة أكثر من غيرهم

بعدين گلت خلي أندار على الحكومة مالتنه.. كتبت مفردة (نوري المالكي) طلع العراق أكثر دولة تبحث بالنت عليها.. والعجيبة أنه اليونانيين والنمساويين والسويديين هم يدورون عليها... إظاهر العراقيين يلي هناك همة يلي يبحثون عليها بالنت مو أهل البلد

عجبني أكتب (مقتدى الصدر) وهمين طلع العراق رقم واحد والمتصدّر بالبحث.. وهمين (جورجيا) موجودة ضمن العشرة.. إييييييي الجورجيين شعليهم بمقتدى الصدر!!!!؟؟

إتذكرت (جيش المهدي) فكتبت هالمفردة فكانت النتيجة غريبة جداً جداً جداً جداً... طلعت (النيجر) هي الأولى بفارق كبير عن العراق.. والحلوة أكو موناكو يعني الشعب الموناكي مهتم بجيش المهدي أكثر من الأردنيين والسوريين وغيرهم

بعدين عجبني أكتب هالثلاث مفردات كل وحدة على حِدة... (العراق) (بغداد) (دجلة) فكانت العراق هي بالمرتبة الأولى وبلا منازع وكما يلي

حبيت اعرف إهتمامات العراقيين بمفردة (صدام حسين) و (المقاومة العراقية).. إتخيلوا شنو كانت النتيجة!!!!.. شوفوها بنفسكم... لا تعليــــق

گلت العراقيين أهل طرب وكيف وونسة.. فجربت على أسماء من الوسط الفني (هيفاء وهبي) و (نانسي عجرم) و (اليسا).. طلعت سوريا والسوريين ذابين العالم كله كِشِر وراهم... بس همزين العراقيين ضمن العشرة الأوائل ولو بالأخير

بقت آخر مفردة.. وأهم مفردة.. المفردة التي لا يستغني عنها العراقيون جميعاً في كل وقت وحين
هذه المفردة هي
(شكو ماكو)

شوفوا النتيجة بنفسكم

هسة كل واحد و (وحدة) بيكم يروح يجرّب المفردات يلي في باله ويتونس لأن الصدك هالخدمة تعبانين عليها هواية.. ولو اتجربون مفردات باللغة الإنكليزية.. راح تطلع نتائج أخرى مغايرة

هاي الخدمة تبيـّن ما هي إهتمامات الشعوب والناس في بلدانها وما هي همومهم ومشاكلهم.. ولو بشيء تقريبي

أتمنى أن إتكونون قد إستمتعتم بهذه الجولة الغريبة

موضوع: رد: خدمات google الأحد نوفمبر 01, 2009 8:46 pm

فعلا خدمات كوكل ممتازة وفيها منافع كتيرة واكثر الناس ما تستغنى على هذه الخدمة
يسلمووووووووووووووlove heart على الشرح الجميل
مشكووووووووووووووووووور على المجهود الرائع

موضوع: رد: خدمات google الإثنين نوفمبر 02, 2009 3:39 am

عاشت جهودك اخ
love heart
فعلا موضوع مفيد وقيم
يمكن الاستفادة منة
تقبل مروري
HUNTER

يسلموو رافد للموضوع الجميلة
فعلا خدمة جميلة جدا وعاشت ايدك عليهة

موضوع: رد: خدمات google السبت نوفمبر 07, 2009 3:48 am

موضوع جميل جدا عزيزنا love heart

والله ماعرف من وين تجيب هالافكار

بس ماكو اي جدل في انها موضيع مميزه وجميله جدا

شكرررررررررررررررررررا

url=http://m7ml.com/] خدمات google 8ad9a4094d

[/url]

» وضع كلمة في(Google) وتعطيك السريال او كرارك