وصف النساء المتزوجات بعيون شاعر

السلام عليكم ورحمة الله وبركاته

الشاعر فلاح المطيري يصف النساء المتزوجات
بعض النساء تجلب على بيتك الخيـر ** والبعض منهن لـك تجيـب النكـاده

والبعض منهن مثل وصف النواويـر ** ومع العقل والزيـن فيهـا الركـاده

والبعض منهن يستر الحـال تستيـر ** لوهي تعيش العمـر صبـر وجـلاده

والبعض منهن عقلها يـوزن النيـر ** ومعها على تـاج الرزانـه شهـاده

وبعضهن احلى من حليـب المغاتيـر ** واحلى من الطايـف ونفحـة بـراده

وفي مجتمعها تمشي ابحسـن تدبيـر ** عقـلٍٍ رزيـن وفـي حلاهـا زيـاده

وبعضهن اينومسك عنـد المساييـر ** والبْـن فالدلـه اتضـبـط اقـنـاده

وبعض السنتهن مثل وصف المناشير ** والبعض منهن طايـشٍٍ فـي عنـاده

والبعـض منهـن فكرهـا بالدنانيـر ** قشـرا وشوشتهـا سـواة العـراده

والبعض منهـن مايكـب المشاويـر ** وفيها التغطـرس والغبـاء والبـلاده

وهذي هي اللـي تستحـق البواكيـر ** حيـث انهـا للسـوق فيهـا عبـاده

والبعض منهن عايـشٍٍ دون تفكيـر ** وان شفتها منتـه ب ويـا السعـاده

وان رحت عنها ولعت فوقك اسعيـر ** وشنت عليك الحرب حـرب الابـاده

واللي ماصار اترهمه غصب ويصيـر ** ومـن جورهـا لازم تـزور العيـاده

والبعض منهن دايم اقدامهـا اتسيـر ** علـى امـهـا والام راس القـيـاده

وتنفـذ اللـي تسمعـه دون تاخيـر ** وترسم امخططهـا لفـرض السيـاده

واليا حصل من بينكم شـيٍٍ اصغيـر ** تفيـد منهـو ماطلبـهـا الافــاده

وتوافـي اهلهـا بـكـل التقـاريـر ** ليـن الرجـل يعـاف شربـه وزاده

واليـا ضربهـا كـف مالـه معاذيـر ** راحت هو ياكل عشاء البيـت سـاده

راحت طمـوح وبلشـوه العصافيـر ** ومن همهم حـارب منـام الوسـاده

وان جاء يرجعهـا عيونـه مطاييـر ** قالوا قبـل ترجـع تجيـب القـلاده

وسبحه من الأربش وأطقم أساويـر ** ومن جورهـن لا واعنـاه وهجـاده

وان كان ماانسابك ارجـالٍٍ مناعيـر ** هيجـن وهوبـل ياحيـاة الـقـراده

وارجو السموحه من جميع الغناديـر ** وهن الأصل منهـن للاقطـار سـاده

ومصنـع رجاجيـلٍٍ تقـود الطوابيـر ** والحـرب تقـدح للمعـادي ازنـاده

والمعذره وان كان بالقـاف تقصيـر ** وماكل من يجهد نجح فـي اجتهـاده

وللكلمه الجزلـه زبـون وجماهيـر ** وقول بـلا حكمـه مافيـه استفـاده

والله يجعل لي مـن الذنـب تكفيـر ** يوم ان راع الـزرع يلقـا حصـاده

ويرسل على الانذال زلـزال كشميـر ** حتى الفلل تصبـح سـواة الرمـاده

ههههههههههههههههههههههه
قصيدة روعة وجميلة جدا

شكرا أخت لبنى على هذة القصيدة الجميلة
تقبلي مروري مع تحياتي
Hunter

» الرجل بعيون المراه
» شاعر متأثر بالكمبيوتر
» قصيدة شاعر محشش
» محاورة بين شاعر وشاعرة
» شاعر سعودي يهجو لميس فتاة سنوات الضياع