مشكلتى فى التعامل مع البنات

االسلام عليكم
االحمد لله انى وجدت المنتدى ده عشان افضفض عن مشكلتى
االمشكله بكل بساطه يا جماعه انى عندى 21 سنه و بقالى اربع سنين فى الجامعه ولا توجد بنت فى حياتى الناس كلها بتحب و تتحب و تتخاصم و تتصالح و تتخدع و تسيب بعض وانا زى منا لو ادخل فى علاقه حتى الان
ااود ان الفت النظر انى والحمد لله اتمتع بمظهر حسن والمشكله الاكبر انى كتير جدا جت ليا فرص انى اتعرف على بنات و كتير جدا بنات هيا اللى بادرت بالحديث ومحاوله التعرف علي يعنى وانا واللهى العظيم مش بحب اتكلم عن نفسى او امدح فى نفسى لكن انا حابب انى اوضح الرؤيه كامله
يعنى انا والحمد لله لا يوجد فيا اى عيب يحول او يمنع تعرفى على بنات بل و كثير من الاحيان بنات صديقات اختى يمدحن فيا
كثير جدا حصل ليا مواقف مع بنات تود التعرف عليا لكن انا اضيع كل الفرص دى
يعنى مثلا : اكون قاعد فى مدرج الكليه و تيجى و احده زميله تسألنى " حد قاعد جنبك " بالرغم ان اغلب المدرج فاضى !! و تجلس جنبى و تبادر بتفح الحديث لكنى مش بجاوبها الا على قد السؤال فقط
كثيرا اكون قاعد فى المدرج و الاقى بنت قاعده و مركزه معايا و بتبص عليا كتير و كأن عنيها بتقولى تعالى كلمنى و مش هكسفك ولكنى مش ببادر انى اروح اكلمها
اوغيرها من المواقف اللى اى واحد من صحابى لو حصل معاه موقف من دول مش هيمشى من المكان غير لما يكون متعرف على البنت ومش بعيد معاه رقم موبايلها
وانا فقط لما يحصل معايا المواقف دى اكون من جوايا فى قمه السعاده انى شاب مرغوب فيه وبيكون مزاجى عالى جدا فى اليوم ده و مبسوط
طب وبعدين ؟ لحد امتى هيفضل بنات تبقى عايزه تتعرف عليا وانا اقعد افرح من غير ما اعمل حاجه ؟ وهفضل زى منا
أقول لحضراتكم موقف بسيط جدا و مفصل يلخص كل ما سبق :
اانا ليا بنت جارتنا ساكنه فى الشقه اللى قدامنا اصغر منى بسنه من وانا فى المدرسه وانا متأكد من شعورها ناحيتى حتى وانها نفسها تتعرف عليا لكنى برده خجلى ده ودانى فى داهيه تخيلوا من اولى ثانوى لتالته كليه مش عارف اكلمها بالرغم انها كل اما اطلع البلكونه تطلع ! كل اما اقعد ازاكر وفاتح البلكونه تقعد تنزاكر قصاد البكونه !
ده حتى كل اللى عندى فى البيت لاحظوا انها منجذبه ليا وانا برده لم ابادر للتعرف و الحديث معها وكل مره اقول لا ممكن كل دى تهيؤات لا ممكن تكسفك لا اصلى شكلى مش عاجبنى النهادره لا اصل شعرى قصير ومش حلو !!!! ست سنين على كده اقصى حاجه بعملها ابنظر اليها من خلف النافذه من دون ان ترانى واحيانا كنت اتحجج انى عامل حساب لاخوها الكبير وكده لكن انا عارف ان دى حجج بدارى وراها فشلى
لحد ما البنت اتخبطت لشاب يعنى حتى لا يوجد شئ يميزه وانا متضايقتش و لا اتصدمت ولا حاجه لانى مكنتش بحبها لكن كنت متاكد انها معجبه بيا و وكنت بقنع نفسى انى بحبها لكن اتضايقت انى عمال اضيع فرص من ايدى كده
وكانت المفاجأه الصاعقه:
فى يوم كنت بتكلم مع اختى و جت سيره البنت جارتنا اللى اتخطبت و اختى قالتلى دى كانت بتقابلنى فى الشارع و بتسألنى على طول عليك و بتقولى انك انت اللى بتشجعها على المزاكره
وده دليل على انها كانت معجبه بيا وانا مش بألف وطبعا ساعتها كنت هتجن و كنت عايز اقولها ليه مقولتيش ليها كده من الاول !!!!!!!!
انا يا جماعه مش واحد مغرور لكن اقسم بالله ان كل ده بيحصل وبنات كتير بتبقى عاوزه تتعرف عليا وانا مش بعرف اتعامل تعبت بقى نفسى فى بنت فى حياتى
مشكلتى بتتلخص فى الخجل و عدم الثقه بالنفس "بالرغم انى بيحصل معايا مواقف المفوض تخلينى فى منتهى الثقه فى النفس "
ارجوا الرد والنصايح
فى انتظاركم