الى جميع الاعضاء الكرام

تذكير بمساهمة فاتح الموضوع :

تحيه طيبه فكره لطيفه احببت ان اضعها بالمنتدى وبقسم جديد وهي كرسي الاعتراف
اتمنى ان تنال رضاكم واعجابكم
احبتي فكره الموضوع هو ان يقوم الاعضاء باختيار احد الاعضاء عن طريق ترشيح عشره اعضاء واللذي سيحصل على اعلى ترشيح سيكون هو اللذي سيجلس على الكرسي وسيقوم الاعضاء بتوجيه الاسئله المتنوعه الى العضو الجالس على الكرسي على ان تكون اسئله منطقيه ومرحه وسيكون عدد الاسئله هي خمسه وثلاثون سؤال عليه ان يجيب عليها والمطلوب من كل عضو بعد ان يطرح السؤال ان يرشح احد الاعضاء ليتم اختياره حتى يجلس على الكرسي
واتمنى ان يكون ظهر الكرسي مريح حتى لا يسبب اي الم لظهر العضو الجالس ههههههههه
شنو رايكم نبدي بالادمن ونجرب الكرسي بيه ههههههههه

السلام عليكم طبعا" عاشت ايديكم على هاي الفكره الحلوه
واحب اسأل ادمن ولو هوه سؤال شخصي بس ياريت اتجاوب عليه انت متزوج لو لا
واذا مزوج واجاك ولد شنو اتحب ايكون اسمه
اكون شاكره الك اذا سمعت الاجوبه باسرع وقت
faroha_ahmed

السلام عليكم احبائي ونعود اليوم مع اسئله جديده لعضوة سئلتني سابقا واليوم تجدد اسئلتها لي ما اعرف منو سخرها عليه لان اكو اعضاء لحد الان ما سئلو اي سؤال ومشرفتنا العزيزه تجدد اسئلتها لي مشكورة اختيfaroha_ahmed مقدما ونرجع على اسئلة المشرفه

س\اسأل ادمن ولو هوه سؤال شخصي بس ياريت اتجاوب عليه انت متزوج لو لا
واذا مزوج واجاك ولد شنو اتحب ايكون اسمه

سؤا جميل جدا جدا

انا متزوج والحمد لله وعندي ولد وبنت
واذا رزقني الله بطفل ثالث ما راح اتردد والا اسميه ((((((رافد ))))) تعرفون ليش
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اسميه رافد على اسم مدير المنتدى الموقر رافد وحبا به
بس الصراحه ما راح احبه مثل اطفالي الباقين تعرفون ليش ؟؟؟ لا ن يذكرني بموقف رافد ويايه على كرسي الاعتراف
الرجاء من جميع الاعضاء يرشحون رافد على كرسي الاعتراف لان عندي اسئله لرافد مو طبيعيه وانتظر اليوم الي راح اسئله بيها

مع جزيل شكري وتقديري الى حبيبي واخي العزيز رافد وكل عام وانت بالف خير وكذلك شكري الى المشرفه العزيزه علينا faroha_ahmed واتمنى لها الموفقيه والنجاح

السلام عليكم
اولا كل عام وانتم بالف خير يا اخواني واخواتي الاعزاء
والله امبين عليك تعبت من الجلوس على الكرسي يا ادمن الله يكون بعونك لانه فروحه مقصرت وياك ابدا عفيه عليج فروحه مثل ما اتفقنه اني وياج على الادمن مقصرتي والله ههههههههههههه
وبعدين ليش تسمي ابنك على اسمي لانه يجوز يطلع مثلي اسود وشعره خشن وما عنده سنون خطيه ليش تجني عليه ههههههههه
يله اصبر شويه بعد مبقالك شي بس لتحرررررض الاعضاء عليه تره اسالك بعد اسئله ههههههههه
تحياتي لك ولجميع الاعضاء

هلو admin لونك او كل عام وانت بخير يا مديرنة العزيز

حبيت اسالك اذا انتر نت واكف او ابو نت يعني ابو المنضومة تخابرة او غالق تلفونة شتسوي ؟؟؟؟؟ او هذا سوأل هم اوجه الى المشرفين اايضا.

رافد

و

فروحة احمد

و

blue moon

و

دلوعة بغداد



بصراحة يعني

السلام عليكم
حبيبي عموري اني طبعا عندي خط بديل اذا يوكف عندي النت وثاني يوم هوه يعرف شسوي بيه ابو المكتب ثاني يوم من يفتح هههههههههههههه

السلام عليكم اعضائنا الكرام
سؤال اليوم من الاخ العزيز omar_i

الانترنيت اذا انقطع ومافي خط اول شي اتصل بصاحب المنظومه طبعا اذا عطل بالمنظومه راح ينغلق موبايل ابو المنظومه ويبقى مغلوق الى ان يتم تصليح العطل
ففي حالة غالق موبايله وفي خلل بالمنظومه اذهب الى المكتب طبعا ميه بالميه ماراح يكون موجود بالمكتب
الحاصل ما راح اسوي اي شي وامري الى الله راح انتظر تصليح المنظومه واني الممنون
وشكرا

اهلا وسهلا بمديرنا العزيز ادمن
ااحب اوجهلة عدة اسئلة على كرسى الاعتراف
1ماهو رائيك بكرسى الاعتراف
2فى اى قرار تتخذة هل تحكم قلبك ام عقلك
3 من هو اكثر شخص تحقد علية لو كان عندك طابع الحقد يعنى
4بطاقتك الشخصية اذا ممكن طبعا
ارجو الرد بصراحة على جميع اسئلتى

هلو عمر
ابصراحه سؤالك كلش حلو وعجبني اجاوب عليه والله ابصراحه اخابره اني حتى لو بال2 بليل كلشي ولا نفترك عن المنتدى مالتنه انت ترضاهه ههههههههههههههههههههههه

فكرة حلوه من رافد كرسي الاعتراف وعندي لآدمن بعض الاسأله:
برأيك ممكن تنسى الحب الاول؟ ؟
شو هو الشي اللي صار بحياتك وتتمنى لو مصاير؟
لو كنت تتمنى الزمن يرجع لوره كم سنه رح تتمنى ترجع؟
اخيرا الصوره اللي تحت اسمك جميله جدا متتمنى انها تكون بنتك؟
ارشح ريهام للجلوس على الكرسي

هلو اشلونك يامديرنه العزيز
طبعا" داقره الرد مالتك وحبيت اسأالك كم سؤال ياريت انكون مضجت من اسألتنه سؤال الاول
كم مره حبيت بحياتك حب حقيقي ؟
سؤال الثاني
انت سعيد بحياتك الزوجيه
سؤال الثالث
انت ازوجت بعد قصة حب لو الزواج الكلاسيكي وجان باختيارك لو احد فارض رأيه عليك
سؤال الثالث ممكن اعرف انه انت اتحب زوجتك لو لا؟ اذا اتحبه شكد اتحبه ؟وبس هيه بحياتك لو اكو احد غيره ؟ لو انت مخلص اله لانه اني سامعه من اهوايه صديقاتي مزوجات انه محد ايأمن للرجال هاي سمعتكم اسفه اذا ضوجتك بس ياريت اجاوبني ابصراحه وياريت ماكون ثقلت عليك بالاسأله تحياتي
faroha_ahmed

اويلي عليك ادمن الله يكون بعونك على اسئله فروحه ههههههههههههههههه

هلو ادمن طبعا" من شفت اسألت فروحه كلش اشوقت اسمع الجواب مالتك ياريت نسمع جوابك باقرب وكت جنت حابه اني هم اسألك بس فروحه كفت ننتظرك مديرنه االعزيز

هلووو
طبعا جان عندي هوايه اسئله للادمن بس من طبيت ولكيت فروحه كاتبله كل هاي الاسئله مكدرت اسال بعد
على هذا الاساس اني اتمنى انه الادمن يجاوب على هاي الاسئله لانه فعلا اسئله حلوه وذكيه من فروحه ومنتظرين الجواب على احر من الجمر من الادمن بس ليتاخر علينه
وارشح للجلوس على الكرسي من بعد الادمن مشرفتنا العزيزه noor_love
مع تحياتي لها ولجميع اعضاء المنتدى
عصفوره المنتدى

السلام عليكم اعضاءنا ومشرفينا الكرام
الحقيقة اسئلتكم جميله جدا خاصة اسئلة faroha_ahmed !!!!!!!!!!!!!!!
وان شاء الله استطيع اجاوب عليها بروح رياضيه
لكن اريد استفسر على شي ؟؟؟؟
شو كلكم عليه ماكو ولا عضو رحم بحالي وبعدين صار عندي فقرات من كثرة الجلوس على الكرسي ممكن نضع الاخ رافد على الكرسي بعد ان اجاوب على اسئلة faroha_ahmed
وان شاء الله كل الاعضاء تايد فكرتي بوضع مديرنا العزيز رافد على الكرسي (((والله رافد محضرلك اسئله مال اخ لاخوه)))
نرجع لاسئله faroha_ahmed



كم مره حبيت بحياتك حب حقيقي ؟
اختي العزيزة
الحب لاينكتب مواضيع عن الورق .
الحب احساس في القلب ولايحس به الا المحبين احب الاخلااص
كل منا يحب ويكره . الحب صفة جبليه في بني البشر

والحب كما يقال سيف ذو حدين

حب يترجم الى حياة سعيده ملئها الاخاء والمودة وتبادل الروح الطيبة

وحب يترجم الى مالا يحمد عقباه وربما تردي الى المهالك والمصائب وهذا مالا يتمنى احد

ان يصاب به . فكل منا ينظر الى ايهما انطوى .

والحب لست انا ولا انت بل كل الانسانية جربته وعاشت بين ادغاله

فالذي لا يحب انسان ليس لديه احساس ولا شعور ولا شفافية ، وانما يعيش

حياة كدر واشمئزاز وكره كل من حوله . فمثلا الذي يتزوج لابد له ان

يحب حتى يجد من ترضى بها عيناه ويسكن لوجودها قلبه .

وكذلك عندما يرى الشخص الاصناف الكثيرة من الطعام لابد عيناه

ونفسه ان تتجه صوب البعض وتحبه وتشمئز من البعض الاخر .... وهلم جرااا


نعم آمن بوجوده وبكل تاكيد وليس في ذلك شك وانت اول من توافقني

او لديك شك في ذلك . حبنا لله وحبنا للرسول (صلى الله عليه وسلم ))
وكذلك حب الاب وحب الام
وسؤالك كم مرة حبيت طبعا سؤال كلش حلو ومنطقي بالنسبه الي مريت بالحب الحقيقي الصادق مرتين الحب الاول كان في مقتبل عمري والحب الثاني كان بعد زواجي وكان من حصة زوجتي والحب الثالث ...........لا بعد ماكو
لكن يوجد حب حقيقي يختلف عن الاول وهو حب الاصدقاء واعضاء المنتدى


سؤال الثاني
انت سعيد بحياتك الزوجيه

الحمدلله انا سعيد بحياتي الزوجيه واعتبر نفسي زوج مثالي لزوجه مثاليه

سؤال الثالث
انت ازوجت بعد قصة حب لو الزواج الكلاسيكي وجان باختيارك لو احد فارض رأيه عليك

الحقيقه زواجي ليس بعد قصة حب ولا زواج كلاسيكي تقليدي زواجي كان باختياري انا ولا احد تدخل بزواجي ...انا اقتنعت بها كزوجه لي وتزوجتها والحمد لله

سؤال الرابع ممكن اعرف انه انت اتحب زوجتك لو لا؟ اذا اتحبه شكد اتحبه ؟وبس هيه بحياتك لو اكو احد غيره ؟ لو انت مخلص اله لانه اني سامعه من اهوايه صديقاتي مزوجات انه محد ايأمن للرجال هاي سمعتكم اسفه اذا ضوجتك بس ياريت اجاوبني ابصراحه وياريت ماكون ثقلت عليك بالاسأله تحياتي


ممكن اعرف انه انت اتحب زوجتك لو لا؟

طبعا احبها اشلون ما احبها غيييير ...........

اذا اتحبه شكد اتحبه ؟؟؟؟
راح انطيج نسبة حبي لها 9999999999999999999 و99
راح اتكوليلي ليش هاي النسبه وراح اجاوبج لان 00000000000000000001و0
لان مرات اتضوجني

؟وبس هيه بحياتك لو اكو احد غيرها ؟هذا السؤال صعب جدا جدا
اكو احد غيرها بحياتي ومو واحد اثنين وشيصير خلي يصير


انت مخلص الها؟؟؟؟؟

مخلص لها وهيه امامنه بيه والحمد لله ومتغار عليه وسبورتيه

مشكورة faroha_ahmed على الاسئله وان شاء الله نبدي باخونا رافد العزيز

ملاحظه مهمه ,,,,,,
بالنسبه للسؤال السابق ؟وبس هيه بحياتك لو اكو احد غيرها

اقصد غيرها بجوابي اطفالي الاثنين وليروح تفكيركم بعيد هههههههههه

تحياتي لكم
admin

السلام عليكم تحيه الى الاخوه الأعضاء
السؤال الى الكل
لو توفيت الان كيف تقابل الله ؟؟؟؟؟؟؟؟؟؟

السلام عليكم تحيه الى الاخوه الأعضاء
تحيه الى الاخوه جميعا

السلام عليكم تحيه الى الاخوه الأعضاء
تحيه الى الاخوه جميعا